Ngangithula ngibiku,
Ngangiziba Kungidla,
Ngibinyeka wen’ owabona intombi ifa uthando.
Ukuthula Akusizi,
Mkhwekazi wami ngihawukele,
Ngingasali dengwanenge ngenxa
yokusha ngomtanakho,
Ngivumele ngimenze indlovukazi yami,
Ngivumele ngithokozisa, ajabulele uthando
Olumnene engizomupha lolana, Luyamfanela vele.
Phela angilona ibhange lenkece, okanye isithuthi semali
Mkhwekazi Nginxaniwe,Nginxaniwe mkhwekazi.
Ngiphuzise amacwak’ amtoti
Azohlala kahle ngaphakathi kimi.
Kanti kuganwa abanjani,
kanti kuyicala yini ukuthanda umuntu.
Njengobani owake waba impohlo enaye umaqonda,
Kanti ngenzeni kubani,
Ngihlekwa ngisho nayizinyoni,
ngesenzo sakho Mkhwekazi ndini.
Anginazo izigidi zamarandi kuze
Ngifanele indondakazi yakho.
Mkhwekazi ngixolele.