Monday 25th September 2017,
Poetry Potion

Vryheid by Afrikavrou

Afrikavrou 9 November 2011 poetry Comments Off on Vryheid by Afrikavrou
 Vryheid dans in die son
wat opkom oor die berg
vryheid is die wind
wat liggies wip en terg

Vryheid is die reёn wat spat!
en weerligstrale wat
drakonies kreukel kraak
en flits bo my donker pad

Vryheid is die volg en vang
van ‘n  ratse wilde bok
in stede van lusteloos staar
vanuit ‘n ysterhok

Vryheid draf soos kinders
doer in die straat in op
sonder om opgepas te word
of getem word deur ‘n klok

Vryheid is die note
wat dartel oor bladmusiek
en vryheid is my keuse
my reg en liefdeslied

Tab content 2
Rate this post

Like this Article? Share it!

About The Author

Comments are closed.